Любімы кут, мой родны дом,
Стаіш малюнкам за акном
Палесся благастны пейзаж
Лясоў, палеў і рэк купаж.
Бярозак белых карагод
Кружыць стваламі ў балот.
Сасновы бор, як вартавы,
Стаіць уздоўж лугоў травы.
Дубоў там стогадовых раць
Нясе былых часоў пячаць.
Лугоў і кветак пастараль,
Паветра чыстае - крышталь.
Сярод палескай цішыні
На рэчку Прыпяць з вышыні
Глядзіць з дзяцінства горад мой,
Стаіць у снах ён над вадой
Стары мой горад над ракой
Збярог стагоддзяў нам спакой.
Мазыр, ты памяць праз гады,
Са мной застаўся назаўжды.
Жыву ў далекай старане,
Усе часцей я бачу ў сне
Любімы край, мой родны дом.
Сумую за сваім гняздом. |