Глава 4: Павел

честный отче».
Диакон возвестил: «Благослови Владыко».  
Священник:  «Благословенно Царство Отца, и Сына, и Святаго Духа, ныне и присно, и во веки веков».
Хор: «Аминь».
Диакон: «Миром Господу помолимся.
Хор: «Господи,  помилуй».
Диакон: «О Свышнем мире и спасении душ наших, Господу помолимся».
Хор: «Господи, помилуй».
Диакон: «О мире всего мира, благосотоянии Святых Божиих Церквей и соединении всех,

1. Разостланный кусок материи.  

Господу помолимся».
Хор: «Господи, помилуй».
Диакон: «О святем храме сем и с верою, благоговением и страхом Божиим входящих в онь, Господу помолимся».
Хор: «Господи, помилуй».
Диакон: «О Великом Господине и Отце нашем Святейшем Патриархе Алексии и о Господине нашем, Преосвященнейшем Архиепископе Николае, честнем пресвитерстве, во Христе диаконстве, о всем притче и людех, Господу помолимся».
Хор: «Господи, помилуй».
Диакон: «О Богохранимей стране нашей, властех воинстве ея, Господу помолимся».
Хор: «Господи, помилуй».
Диакон: «О рабех Божиих Алексии и Марии, ныне сочетавающихся друг другу в браке Общение, и о спасении их, Господу помолимся».
Хор: «Господи, помилуй».
Диакон: «О еже благословитися браку сему, якоже в Кане Галилейстей, Господу помолимся».
Хор: «Господи, помилуй».
Диакон: «О еже податися им целомудрию, плоду чрева на пользу, Господу помолимся».
Хор: «Господи, помилуй».
Диакон: «О еже возвеселитися им видением сынов и дщерей, Господу помолимся».
Хор: «Господи, помилуй».
Диакон: «О еже дароватися им благочадие восприятию, и незазорному пребыванию, Господу помолимся».
Хор: «Господи, помилуй».
Диакон: «О еже даровати имже и нам вся ко спасению прошения, Господу помолимся».
Хор: «Господи, помилуй».
Диакон: «О еже избавитися имже и нам от всякия скорби, гнева и нужды, Господу помолимся».
Хор: «Господи, помилуй».
Диакон: «Заступи, спаси, помилуй и сохрани нас, Боже, Твоею благодатию».
Хор: «Господи, помилуй».
Диакон: «Пресвятую, Пречистую, Преблагословенную, Славную Владычицу нашу Богородицу и Приснодеву Марию, со всеми святыми помянувше, сами себе и друг друга, и весь живот наш Христу Богу предадим».
Хор: «Тебе Господи».
Священник: «Яко подобает Тебе всякая слава, честь и поклонение, Отцу, и Сыну, и Святому Духу, ныне и присно, и во веки веков».
Хор: «Аминь».
Диакон: «Господу помолимся».
Хор: «Господи, помилуй».
Священник: «Боже Пречистый и вся твари содетелю, ребро Праотца Адама за Твое человеколюбие в жену преобразивый, и благословивый я, и рекий: раститеся и множитеся, и обладайте Землею, и обою ею един уд показавый сопряжением: сего бо ради оставит человек отца своего и матерь, и прилепится жене своей и будета два в плоть едину: и яже Бог спряже, человек да не разлучает. Иже раба Твоего Авраама благословивый и разверзый ложесна Саррина, и отца множества языков сотворивый: иже Исаака Ревекце даровавый, и рождество ея благословивый: иже Иакова Рахиле сочетавый, и из него дванадесять патриархов показавый: иже Иосифа и Асенеду спрягий, плод детотворения им, Ефрема и Манассию даровавый: иже Захарию и Елисавет приемый, и Предтечу рождение им показавый: иже от корене Иессеова по плоти израстивый Приснодеву, и из Нея воплотивыйся, и родивыйся во спасение рода человеческаго: иже за неизреченный Твой дар и многую благость, пришедый в Кану Галилейскую, и тамошний брак благословивый: да явиши, яко Твоя воля есть законное супружество, и еже из него чадотворение: Сам Владыко Пресвятый приими моление нас рабов Твоих, якоже тамо, и зде пришед невидимым Твоим  предстательством, благослови брак сей, и подаждь рабом Твоим сим, Алексию, и Марии живот мирен, долгоденствие, целомудрие, друг ко другу любовь в союзе мира, семя долгожизненное, о чадех благодать, неувядаемой славы Венец. Сподоби я видити чада чадов, ложе ею ненаветно соблюди, и даждь има от росы Небесныя свыше, и от тука земнаго: исполни домы их пшеницы, вина и елеа и всякия благостыни, да преподают и требующым, даруя купно и сущым с нима вся яже ко спасению прошения.
   Яко Бог милости, и щедрот, и человеколюбия еси, и Тебе славу возсылаем, со безначальным Твоим Отцем, и Пресвятым, и Благим, и Животворящим Твоим Духом, ныне и присно, и во веки веков».
Хор: «Аминь».        
Диакон: «Господу помолимся».
Хор: «Господи, помилуй».
Священник: «Благословен еси Боже наш, иже тайнаго и чистаго брака священнодействителю, и телеснаго законоположителю, нетления хранителю, житейских благий строителю: Сам и ныне Владыко, в начале создавый человека, и положивый его яко Царя твари, и рекий: не добро быти человеку единому на Земли, сотворим ему помощника по нему: и взем едино от ребр его, создал еси жену, юже видев Адам, рече: сия ныне кость от костей моих, и плоть от плоти моея: сия наречется жена, яко от мужа своего взята бысть сия. Сего ради оставит человек отца своего и матерь, и прилепится жене своей, и будета два плоть едину: и яже Бог сопряже, человек да не разлучает. Сам и ныне Владыко Господи Боже наш, низпосли благодать Твою Небесную на рабы Твоея сия, Алексия и Марию: и даждь рабе сей во всем повинитися мужу, и рабу Твоему сему быти во главу жены, яко да поживут по воли Твоей. Благослови я Господи Боже наш, якоже благословил еси Авраама и Сарру: благослови я Господи Боже наш, якоже благословил еси Исаака и Ревекку: благослови я Господи Боже наш, якоже благословил еси Иакова и вся Патриархи: благослови я Господи Боже наш, якоже благословил еси Иосифа и Асенеду: благослови я Господи Боже наш, якоже благословил еси Моисеа и Сепфору: благослови я Господи Боже наш, якоже благословил еси Иоакима и Анну: благослови я Господи Боже наш, якоже благословил еси Захарию и Елисавет. Сохрани я Господи Боже наш, якоже сохранил еси Ноя в ковчезе: сохрани я Господи Боже наш, якоже сохранил еси Иону во чреве китове: Сохрани я Господи Боже наш, якоже сохранил еси святые три Отроки от огня: низпославый им росу с Небесе: и да приидет на ня радость оная, юже имяше блаженная Елена, егда обрете Честной Крест. Помяни я Господи Боже наш, якоже помянул еси Еноха, Сима, Илию: помяни я Господи Боже наш, якоже помянул еси святыя Твоя четыредесять мученики, низпославый им с Небесе венцы: помяни Боже и воспитавшия их родители: зане молитвы родителей утверждают основания домов. Помяни Господи Боже наш, рабы Твоя уневестившыяся, сшедшыяся в радость сию. Помяни Господи Боже наш, раба Твоего Алексия, и рабу Твою Марию, и благослови я. Даждь им плод чрева, доброчадие, единомыслие душ и телес: возвыси я яко кедры ливанския, яко лозу благорозгную. Даруй им семя класяно, да всякое самодовольство имуще, изобилуют на всякое дело благое и Тебе благоугодное: и да узрят сыны сынов своих, яко новосаждения масличная Окрест трапезы их: и благоугодивше пред Тобою, возсияют яко светила на Небеси, в Тебе Господе нашем. С Тобою же слава, держава, честь и поклонение, безначальному Твоему Отцу, и Животворящему Твоему Духу, ныне и присно, и во веки веков».    
Хор: «Аминь».
Диакон: «Господу помолимся».
Хор: «Господи, помилуй».
Священник: «Боже Святый, создавый от персти человека, и от ребра его возсоздавый жену, и спрягий ему помощника по нему, за еже тако годно бысть Твоему Величеству, не единому быти человеку на Земли: Сам и ныне Владыко, низпосли руку Твою от святаго жилища Твоего, т сочетай раба Твоего сего Алексия, и рабу Твою сию Марию, зане от Тебе сочетавается мужу жена. Сопрязи я в единомудрии,  венчай я в плоть едину, даруй има плод чрева, благочадия восприятие.
   Яко Твоя держава, и Твое есть Царство, и сила, и слава, Отца, и Сына, и Святаго Духа, ныне и присно, и во веки веков».
Хор: «Аминь».  
   Настала важнейшая, торжественнейшая и святейшая минута – вторая часть Таинства брака – венчание.
    Священник, надевая венец на голову Алексея, произнес:
«Венчается раб Божий Алексий, рабе Божией Марии, во имя Отца, и Сына, и Святаго Духа, аминь».  
    Теперь священник надевает второй венец и на голову Марии, и произносит:
«Венчается раба Божия Мария, рабу Божию Алексию, во имя Отца, и Сына, и Святаго Духа, аминь».  
Благословляя обоих, священник трижды возглашает:
«Господи, Боже наш, славою и честию венчай я».
Хор пропел Прокимен Апостола, глас восьмой: «Положил еси на главах их венцы от камений честных, живота просиша у Тебе, и дал еси им».
И стих:
«Яко даси им благословение в век века, возвеселиши я радостию с лицем Твоим».
   С этой минуты жених уже есть муж своей невесты, невеста жена своего жениха. Святая Церковь тайнодейственно низводит на брачующихся благодать Святаго Духа, освящающую их супружество, естественное рождение и воспитание детей.  
   Чтец стал читать Апостол ко Ефесянам: «Братие, благодаряще всегда о всех, о имени Господа нашего Иисуса Христа, Богу и Отцу: Повинующеся друг другу в страсе Божии. Жены, своим мужем повинуйтеся, якоже Господу: Зане муж глава есть жены, якоже и Христос Глава Церкве, и той есть Спаситель тела. Но якоже Церковь повинуется Христу, такожде и жены своим мужем во всем. Мужие, любите своя жены, якоже и Христос возлюби Церковь, и Себе предаде за ню: Да освятит ю, очистив банею водною в глаголе. Да представит ю Себе славну Церковь,  не имущу скверны, или порока, или нечто от таковых: но да есть свята и непорочна. Тако должни суть мужие любити своя жены, яко своя телеса: любяй бо свою жену, себе самаго любит. Никтоже бо когда свою плоть возненавиде, но питает и греет ю, якоже Господь Церковь. Зане уди есмы тела Его, от плоти Его, и от костей Его. Сего ради оставит человек отца своего и матерь, и прилепится к жене своей, и будета два в плоть едину. Тайна сия велика есть: аз же глаголю во Христа, и во Церковь. Обаче и вы, по единому кийждо свою жену сице да любит, якоже и себе: а жена да боится своего мужа».
Хор: «Аллилуиа».
И стих: «Ты Господи сохраниши ны и соблюдеши ны от рода сего, и во век».  
Диакон: «Премудрость, прости, услышим».
Священник: «Святое Евангелие от Иоанна чтение.
Во время оно, брак бысть в Кане Галилейстей: и бе Мати Иисусова ту. Зван же бысть и Иисус и ученицы Его на брак. И не доставшу вину, глагола Мати Иисусова к нему: вина не имут. Глагола Ей Иисус: что есть Мне и Тебе, жено; не у прииде час Мой. Глагола Мати Его слугам: еже аще глаголет вам, сотворите. Беху же ту водоносы каменни шесть, лежащее по очищению Иудейску, вместящыя по двема или трием мерам. Глагола им Иисус: наполните водоносы воды. И наполниша их до верха. И глагола им: почерпите ныне, и принесите архитриклинови.  И принесоша. Якоже вкуси архитриклин вина бывшаго от воды, (и не ведяше откуду есть: слуги же ведях почерпшии воду,) пригласи жениха архитриклин. И глагола ему: всяк человек прежде доброе вино полагает, и егда упиются, тогда хуждшее: ты же соблюл еси доброе вино доселе. Се сотвори начаток знамением Иисус Кане Галилейстей, и яви славу Свою и вероваша в Него ученицы Его».
Диакон: «Рцем вси от всея души, и от всего помышления нашего рцем».
Хор: «Господи, помилуй».
Диакон: «Господи Вседержителю, Боже отец наших, молим Ти ся, услыши и помилуй».  
Хор: «Господи, помилуй».    
Диакон: «Помилуй нас, Боже, по велицей милости Твоей, молим Ти ся, услыши и помилуй».
Хор: «Господи, помилуй».
Диакон: «Еще молимся о милости, жизни, мире, здравии, спасении, посещении  рабов Божиих Алексия и Марии».  
Хор: «Господи,